Avalaap siulittaasua tunuassaaq

Danmarkimi Kalallit Iliniagaqartut Kattuffiat Avalak, kalaallit nalunaaqataat malillugu ullup qeqqanut tassa aatsaaginnannguaq siulersuisuni ilaasortat Kalaallit illuutaani Århusimiittumi ataatsimiillutik aallartipput.
Allattoq Louise M. Kleemann
maajip 16-at 2008 11:57

Avalammi sulersuisuni ilaasortat ukiaq 2007-imi Avalammi ilaasortanit qinerneqartut, ataatsimiissutigalugu aallartippaat siulittaasussaminnik nutaamik qinersinissaq.

Danmarkimi Kalallit Iliniagaqartut Kattuffianni siulittaasoq Poul Olsen issiavimminilu ukiup affaa sinnilaarlugu issiasimasoq, inuttut nammineq peqquteqarluni Avalammiit tunualerpoq.

Avalammi paasissutissiinermut ataqatigiissaarisoq

Parnuna Egede radioaviisimut oqarpoq, maanna siulersuisuni qinersinermi siulittaasutut qinigaasoq ukiamut Avalap ataatsimeersuartitsinissaata tungaanut siulittaasuugallassasoq.

Tassa nutaamik siulittaasumik qinersinissap tungaanut, siulittaasutut issiassagami.

Unnummut radioaviiseqarnerani Danmarkimi Kalallit Iliniagaqartut Kattuffianni siulersuisut ataatsimiinnerat annertunerusumik radioaviisimi sammiumaarparput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq