Avaannarsua sikuerukkiartupiloorpoq

Qalasersuup tungaanut sikuiuitsup sikuata aatsaat taama sukkatigisumik aakkiartupallassimanera ilisimaatunit tupaallaatigineqarpoq.

Ilisimatuut Canadap avannaani Qalasersuup tungaanut umiarsuarmut sikusiummut Amundsen-imut ilaallutik sikuiuitsumik misissuisimasut sikuiuitsup ilarujussuata imaannarsuanngorsimanera assut tupaallaatigisimavaat.

Sikuiuitsumik misissueqataasoq, Canadami immap pissusiinik ilisimatooq, Gary Stern, oqarpoq, Canadap kangiata avannaani imartami ingerlaarnerminni isigisinnaasartik tamarmi imaannaasimasoq. Canadap avannaarsuani sikorsuup aakkiartornera ernumatitsiinnarani aammali iluaqutaasinnaasumik kinguneqartoq Nunavumi avatangiisinut naalakkersuisoq Simon Awa isumaqarpoq.

Nunavumi ukiuutillugu qangatut isserujussuartarunnaarnera orsussamut sipaarnerulernermik, imaatigullu umiatsianik angallatinillu allanik angallateqarluni kingusissorujussuakkut allaat piniartoqarsinnaalersimasoq, Simon Awa unnersiorpoq.

Silaannaap allanngoriartornerata kinguneri pillugit Nunavumi naalakkersuisut decembarimi saqqummersitsiniartut CBC-mit tusarliunneqarpoq.