Autismeqartut inuiaqatigiinninngaanniit paasineqarnerunissaat MIO-p ujartorpaa
Atuarfinni innarluutilinnik autismertunillu paasisimasaqannginneq takussaasoq, meeqqat illersuisuata oqaatigaa.
- Autismeqartut immikkuullarissusaat inuiaqatigiinninngaanniit paasineqarnerunissaat ujartorparput kissaatigalugulu. Allatulli naleqartutut misiginissaminnut aamma allatulli atuarfeqarfinni ineriartortinneqarnissaminnik pisinnaatitaaffeqarmata, Meeqqat Illersuisuat Aviâja Egede Lynge oqarpoq.
Aamma atuaruk Kujataa meeqqat illersuisuanit tikeraarneqalersoq
Aamma atuaruk Meeqqat innarluutillit immikkut ikiorserneqarput
Nukappiaraq aqqanilinnik ukiulik, autismertoq, atuarfimmi paatsoorneqartarsimammat, allaniit sianiinnerunini upperilersimallugu inoorusukkunnaarsimagaluartoq, meeqqat illersuisuata assersuutigaa.
- Paatsoornerit annertuut avaqqussinnaavagut ilisimasaqarnerulernikkut tulluarsaanerulernikkullu taakkununnga meeqqanut inuusuttunullu.
Aamma atuaruk Innarluutilimmik meeraqarneq imaannaanngitsoq
Aamma atuaruk Autisme, ADHD Tourettelu immikkut sammineqarput
Meeqqat atuarfianni ilinniartitsisut, MIO-p oqaloqatigisimasai, oqaluttuarput, meeqqat autismemik nappaateqartut nalinginnaasumik ukiut pingasut - sisamalluunniit atuareersimagaangata, nappaataat aatsaat suussusersineqartartoq.
- Atuagarsornikkut ingerlalluartarput. Ukiunili siullerni nalaataminnik kingunerlutsitsisarmata, klassini nalinginnaasuni faginilu ataasiakkaani atuartinneqarnissartik piumajunnaartarpaat, Meeqqat pisinnaatitaaffiinut tunngatillugu sullissivik MIO taama allappoq.