Australiap nioqquteqarneq inerteqqutaatinniarpaa
Australiap tuugaanik siissisullu nassuinik niuernerit inerteqqutinngortinniarpai.
Avatangiisimut ministeri Sussan Ley Genèvemi Schweizimi sisamanngornermi taama paasissutissiivoq.
Atorfilittat avatangiisinullu illersuiniartut 3000-it pallillugit amerlassusillit nunanit 183-ineersut uumasut naasullu nungoratarsinnaasut illersorneqarnissaat pillugu oqaloqatigiinniarlutik Genèvemi aggustip ulluisa 17-iannit 28-annut katersuupput.
- Nagguaatsut siissisullu tuugaavinik nunap iluani niuernerup matuneqarnissaanut siunertaqartugut Australiap pisortatigoortumik nalunaarutigaa, nutaarsiassaqartitsivik dpa naapertorlugu Sussan Ley taama nalunaaruteqarpoq.
Sussan Ley oqarpoq nunarsuarmi tuugaanik nioqquteqarnermi Australiami niuffaffik pingaaruteqarpallaanngikkaluartoq, taamaattoq anngiortumik iliuuseqarnissamut kaammattuerpalaartuliortoqanngissaanik qularnaarisoqarnissaa pingaartuusoq.
Naalagaaffiit Peqatigiit Cites-imik isumaqatigiissummik atsioqataasimasut ukiut pingasukkaarlugit naapittarput uumasut naasullu nungataanissaminnut uloriarnartorsiortut imaluunniit nungoratarsinnaasut allattorsimaffii misissorniarlugit.
1950-ip missaani Afrikami suli milliuunilikkaanik nagguaatsoqarpoq. Nagguaatsut pillugit Afrikap databasea naapertorlugu nunavissuarmi tassani nagguatsut 2015-imi 415.000-init ikinnerupput.