Inuit 28.700-t tunillatsissimasutut Australiami nalunaarsorneqareerput. Inuit katillutik 909-t covid-19-imik toqquteqareerput.Assi: karlnorling/flickr

Australiap killifeqarfii ukiup immaqa sinnerani matoqqassasut

Australiamut nalinginnaasumik ukioq manna angalasoqarsinnaassagunanngitsoq, nunami tassani peqqinnissamut pisortaq oqarpoq.

Australiap killeqarfini ukioq manna ammarniarunarnavianngilai. Taamaasilluni Australiamut nalinginnaasumik angalasinnaanissaq ajornarsinnaassaq. Peqqinnissamut pisortaq Brenda Murphy taama oqarpoq.

Australia, 25 millionit sinnerlugit inulik, coronap nunarsuaq tamakkerlugu tuniluunnerata kingunerissanik allamiunut martsip qaammataanili matoqqavoq. Australiamiut ikittuinnaat qanigisaallu nunamut isersinnaatitaasimapput.

- Killeqarfitsinni sukannersunik ukiup matuma annersaani killilersuiinnarnissarput ilimagaara. Innuttaasut ilarpassui akiuussuserneqaraluarpataluunniit tunillaassuukkunnaassanersoq naluarput, Murphy til ABC-mut oqarpoq.

AAMMA ATUARUK Australiami ministeri: Australiap killeqarfii 2021-p naanissaata tungaanut matoqqatinneqassapput

Australiamut tikittut hotelimi sapaatit akunnerini marlunni isersimaannarnissaminnut 15.000 koruuninit amerlanerusunik maanna akiliisarput. Nunami februaarip naalernerani akiuussusiisoqartalernissaa naatsorsuutigineqarpoq.

Inuit 28.700-t tunillatsissimasutut Australiami nalunaarsorneqareerput. Inuit katillutik 909-t covid-19-imik toqquteqareerput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat