1986-mili arfanniarnermut kommissionip IWC-p arferit anginerit assigiinngitsut 12-it piniarneqarsinnaanerat inerteqqutigilluinnalerpaa, arfernillu ilisimatuussutsikkut misissuisunut arfernik pisaqarsinnaaneq akuersissutaavoq, inatsillu Japanip atorluarpaa, taama aviisi Politiken allappoq.
Japan arfernik angutivissanik 300-nik pisaqarpoq, arferit kinguaasiorsinnaassusaat ilisimatusarfiginiarlugit. Arferit pisarineqartut affaata missaasa issui uuttortarneqarsimallutik.
Japan siorna qalasersuaq kujallermi tikaagullinnik 500-nik pisaqarpoq.
Tikaagulliit arfernut nungutaanissaminnut ernumanartorsiortunut ilaanngillat, kisiannili Australiap Japan pasillerpaa qipoqqarnik tikaagulliusaanillu pisaminnut ilanngussisimanerarlugu.
USA-p New Zealandillu eqqartuussivilersuussineq uparuarpaat.
Taakku ernumassutigaat Australia ajorsassagaluarpat Japanimiut arfanniarnerat ingatseriaannassammat.
Eqqartuussinerup inernera siulleq 2013-mi pinissaa naattorsuutigineqarpoq.