Australiap inoqqaavi taasisinneqalerput
Australiami nunap inoqqaavisa aboriginalit Australiami nunap tunngaviusumik inatsisaanni akuerineqarnissaannut, misigissutsitigut aaqqiisoqarnisamut eqqunngitsumillu pineqarsimanerannut iluarsiinissamut alloriarneruvoq pingaaruteqartoq, Australiami ministeriuneq Julia Gillard oqarpoq.
Ministeriunerusimasoq Kevin Rudd ukiut pingasut matuma siornagut pisortatigoortumik utoqqatserpoq, nunap inoqqaavisa ukiorpassuarni eqqunngitsumik pineqarsimanerat pillugu.
Taasisitsisoqarnissamik siunnersuutip innuttaasunik taasisitsinissaq sioqqulugu innutaasunit tapersersorneqarnissaa pisariaqartoq ministeriuneq Julia Gillard oqarpoq.
Innutaasunik taasisitsinissaq ukioq ataaseq qanngiutsinnagu pissasoq naatsorsuutigineqarpoq. Innutaasut taasisinneqarnissaannut tunngatillugu misissuisussanik ataatsimiititaliamik Julia Gillard pilersitsivoq, taakku tassaassallutik immikkut ilisimasaqartut.
Australiami nunap inoqqaavi amerlanerpaagamik en millioninik amerlassuseqarput, maannakkut 470.000-nik amerlassuseqarlutik. Australiami inuit 22 millioninik amerlassuseqarput.
Australiami innutaasut akornanni nunap inoqqaavi imminut toquttartut suliffissaaleqisullu amerlanersaasarput.
Nunagisatsinni nunap inoqqaavisa akuerineqarnissaat maannakkut piffissanngorpoq, alloriartariaqarpugut tatiginninnermik ataqqinninnermillu pilersitsilluta, Julia Gillard oqarpoq.
