Australiamiut aalisartut amikorujussuarmik pisaqarsimapput.
Amikoq pisarineqartoq 12 meterinik takissuseqarpoq 250 kiilunillu oqimaassuseqarluni.
Allattoq Elisa Isaksen
Danmarks Radiup nittartagaa naapertorlugu amikup kigutai eqalussuup kigutaasut ipitsigipput pingasunillu uummateqarilluni.
Ilisimatuut Melbourne Museumimeersut amikorsuaq taanna kikkunnit tamanit isiginnaarneqarsinnaasumik suliaraat, inuit taamaalillutik itisoormiumik nalinginnaanngitsumik isiginnaagaqarnissamut periarfissillugit. Ilisimatuut ilaatigut amikut qanoq kinguaassiortarnersut paasisaqarfigerusuppaat.