Australiamiup nuliani eqalussuarmit annaakkaa
Arnaq Australliamiu eqalussuarujussuarmit saassuneqarnermi kingorna annappoq.
35-nik ukiulik Chantelle Doyle uini ilagalugu sissami Shelly Beachimi immap qaavatigut saarlisaarnerminni eqalussuarujussuarmit saassunneqarpoq.
Doylip uia Mark Rapley saarlisaarumminnit eqalussuarujussuarmut pissippoq eqalussuarlu saassullugu.
Taama oqlauttuarpoq annaassiniartartoq Steven Pearce
Eqalussuarujussuup tre meterisut takitigisup Doyle kiisimavaa, kingornalu uiata annaallugu nunamut ingerlallugu.
- Sapiitsuliornerujussuuvoq, Steve Pearce oqarpoq.
Doyle eqalussuarujussuarmit saassunneqarnerminit ajoquserneri sissami passunneqarput.
Port Macquariep sissaa sissallu qanittuaniittut akunnerit ikinnerpaamik 24-t matuneqarput, annaassiniartartullu eqalussuaq timmisartuaqqat inuttaqanngitsut jetskillu atorlugit nakkutigalugu.