Australiamiu tatsip naqqani poorskisiussaaq
Australiami immami uumassusilinnik ilisimatusartoq, tatsip naqqani sisammik sanaamik ni kubikmeterisut angitigisumik imminut inissalioriarluni, ullumimiit sapaatip-akunnerini marlunni, immap naqqaniinniarpoq. ABC-radiomut pissuteqavilluni taamaaliornerarpoq.
Lloyd Godson 29-nik ukioqartoq, inuup pinngortitamik qanoq atuilluartigisinnaaneranik ilisimatusaatigalugu, quajaatit silaannalersuisinnaassusiat peqqinnassuseqarnerallu misiligarniarpaa.
Anorsaartornermini nerisarinerisigullu quajaatit iluaqutigissallugit upperaa. Tatsip naqqani illuaqqameerujoornermini naatsorsuutigaa cykelit qasujaallisaatit innaallagissiuutigisinnaassallugit.
-Inuuninni misilittaarusuttuaannartuuvunga, taamaattumik illuaraliara immap naqqani atugassara naammassereerlugu oqarsinnaavunga – torraruusaqaaq, Godson ABC-radiomut oqarpoq.
Godson-ip tatsip naqqani illuaqqamiileruni aporfissamisut annerpaatut takorluugaa tassaavoq, anersaartorangatta, kuldioxid aniatittagarput qanoq iliorluni najukkaminit peertinniassanerlugu suli nalugamiuk.
Godsonip oqaatiginngilaa qanoq perusuersartassanerluni.