Australiami qeqertami innuttaasut sakkutuunit qimagussorneqartut
Australiami nutaarsiassaqartitsivik Nine News taama allaaserisaqarpoq.
Ikuallanneq illoqarfiup tungaanut illuariartorpoq, innuttaasullu minutsit tallimat taamaallaat piffissaralugit angerlarsimaffitik qimassagaat nalunaarfigineqarput, sakkutuummi matumit matumut iseqattaarlutik sisamanngornermi ullaakkut kalerriipput, qimagussisoqalerlunilu.
AAMMA ATUARUK Australiami inuit 24-t piaaralutik ikuallatsitsisarsimasutut tigusarineqartut
Ikuallanneq Illoqarfimmut Parndanamut illuariartorpoq, illoqarfik qimagussuiffiusoq qeqertap qiterpasissuaaniippoq, ikuallannerlu nakkutigineqarsinnaanngimmat qimagussuisoqarluni.
Innuttaasut naapertorlugit Kangaroo Islandimi ikuallattoqarnerani inuit marluk ajunaarsimapput, BBC-lu naapertorlugu koalat 25.000-it toqusimallutik.
Ikuallattoqarnerani nuna tamakkerlugu inuit 26-t ajunaarput, nunalu 103.000 kvadratkilometeri ikuallareersimalluni.