Australiami inatsisartut utoqqatserniarput
Siornatigut politikerisaq naapertorlugu aboriginalinut periuserineqarsimasut atugassarititaasullu pillugit utoqqatsernermi oqaatsit soorlu ;”alianangaarpoq” aamma ”ajukkutsitaasimaneq nikanarsagaasimanerlu”, ilanngussorneqassapput.
Australiami inatsisartut ataatsimiinnissaat ammarneqarmat aboriginalit qaqortumik qalipassimasut qitittaasitoqqatik erinarsuutitoqqatillu ileqqutoqqatik oqaluttuarisaanermi aatsaat takutippaat. Aboriginaleq Matilda House ileqqutoqqat naapertorlugit siulini anersaallu nunaminnik tunngaviliisut ataqqiniarlugit qitippoq, ministeriunerlu nutaaq, Rudd, aamma ileqqutoqqat naapertorlugit ajaappissamik oqariartuummik tunillugu.
-Siornatigut kukkussutigineqartarsimasut aaqqiiviginiarlugit ullumikkut alloriarnimininnguaq tiguarput, ministeriuneq nalliuttorsiornermi oqarpoq.
Ministeriunerup nutaap naalakkersuisunngortitsinermini nunap inoqqaavisa pisariaqartitaannik aaqqiiniarusunnini suliassami pingaarnerit ilaattut isiginninnini nalliuttorsiornermi takutinniarpaa. Siornatigut naalakkersuisuusarsimasut tamarmik siulimik kukkussutaat pillugit aboriginalinut utoqqatserusuttarnikuunngilat.
