Australiami Howard ajorsarpoq Ruddilu ajugaarujussuarluni

Ministeriuneq John Howard Australiami inatsisartunut parlamentinut qinersinermi ajorsarpoq. Parti Labor taamaasilluni nunami pissaanermik tigusisussanngorpoq.

John Howard konservativit Liberale Partit sinnerlugit Australiami ukiuni aqqanilinni ministeriuneruvoq, taamatullu atuunnermini nunartik USA-mut qanimut suleqatiginninnerulersissimavaa.

Liberale Partillu Nationale Parti naalakkersuisooqatigisimavaa.

Ajugaasut Laborip siulittaasuata 50-inik ukiulik Kevin Ruddip, qinigaanermik kingorna Australiap oqaluttuarisaanerani nutaaliornissartik neriorsuutigaa.

-Australiamiut tamaviisa ministeriuffigissavakka, oqarpoq.

Rudd-ip neriorsuutaasa ilagaattaaq Irakimi sakkutuuliussat ilaannik angerlarartitsinissaq aamma avangiisinik mingutsitsinermik akiuiniarnermi CO2-mik aniatitsinermik Australiap millisaanissaa.

Labori amerlanerussuteqangaatsiassagunavippoq, naatsorsuinerugallartummi takutippaat ministeriuneq Howard parlamentimut qinigaanngitsoortoq, taamaalillunilu politikkimi sunniutaarutissasoq.