Aung San Suu Kyi illuminit aneqquneqarunnaaqqippoq

Myanmarimi - aamma Burmamik taaneqartartumi - naalakkersuisut illuatungiliuttut siulittaasuat, Aung San Suu Kyi angerlarsimaffimminit qaammatini 18-ini aneqqusaajunnaarluni eqqartuussaavoq, qaammatillu taakku illumini Yangonimiittumi atussavai.
aggustip 11-at 2009 07:49

Aung San Suu Kyi-p illuminit ukiorpassuarni aneqqusaannginnini eqqumiitsumik pisoqarneratigut malittarisassanik unioqqutitsilluni eqqartuunneqaatigaa, tassa angut amerikamiu 54-inik ukiulik, John Yettaw, qaaqquneqanngikkaluarluni nalulluni taseq ikaarlugu Suu Kyi-p illuanut pulaarmat, ullunilu marlunni unnuilluni.

Ilimagineqaraluarpoq 64-inik ukiulik, Suu Kyi pisuutitaassasoq, isornartorsiuisartummi arlallit isumaqarput sakkutuut naalakkersuisuisa aappaagu qinersisoqarnissaa pilersaarutaammat Aung San Suu Kyi parnaarussaatinniarsarigaat.

Suu Kyi Nobelip eqqissinermut nersornaasiuttagaanik nersornaasigaasimasoq, partiimut demokratiimut illersuisumut, NDL-imut, siulittaasuuvoq, Myanmarimilu demokrateeqalernissaa ukiuni arlalinni sorsuutigaa.

Amerikamiu John Yettaw, pisumi aamma eqqartuunneqartoq, ukiuni arfineq-marlunni parnaarussassanngortitaavoq pillagaallunilu sulisussanngortitaalluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq