AUL pisiaritinnagu misissoqqaarniarpaat

Arctic Umiaq Line-imik pisisussatut ilimagineqartup, Arctic Travel Groupip, danskinit pigineqartup, umiarsuaatileqatigiiffiup aningaasatigut inissisimanera kukkunersiuisuminnut misissortillugu ullumi aallartissavaat.

Naatsorsuutit misissoqqissaarneqassapput, umiarsuit illullu sanaartukkat nalingisa allattorsimaffii aamma misissorneqassallutik.

Inuttanut atatillugu taakkununnga pisussaaffiit ilaatigut aamma aalajangerneqassapput. Tassa kukkunersiuisut kisitsinik pingaarutilinnillu naleqarsinnaasunik allanik misissuissapput.

Arctic Travel Groupimi siulittaasoq, Poul Lübbert, oqarpoq, tamakku tamarmik pereerpata Kalaallit Nunaannut tikeraarniarlutik.

Aallartitat sisamanngorpat tulliani nunatsinnut tikissapput, Arctic Umiaq Line-p nalingi namminneq misissoriartorlugit.

Suna tamarmi paasiniarneqarluareerpat, Arctic Travel Group neqerooruteqassaaq - oktoberip ulluisa 14-iat nallertinnagu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat