Qeqertarsuarmi borgmesteri, Augusta Salling, illoqarfimminut angerlarluni maanna nalilersuilluaqqissaarnialerpoq.
Augusta Sallingip Inatsisartuni ataatsimeeqataanerani Qeqertarsuarmi kommunalbestyrelsimi borgmesterimut akerliulerlutik suleqatigiilersut pilersinneqarput. Tassa IA-kkut Siumukkullu kattupput, taamaalilluni Augusta Salling partiialu Atassut ikinnerussuteqalerlutik.
- Suna isumaqatigiissutigisimaneraat paasiniassavara, uangalu politikeritut akuerisinnaanerlugu takujumaarpara. Taamaanngippat atorfiga eqqarsaatigisariaqassavara, Augusta Salling Radioavisimut oqarpoq.