Atuisoq: Nioqqutissanik ilisarnaasersuisarneq nakkutigineqarnerusariaqarpoq

Pisiassanut ilisarnaasersuisarnermi arlaleriarluni unioqqutitsisoqartarsimanera paasineqareersorlu Atuisartut Siunnersuisoqatigiivi, pisiniarfiit nioqqutissanik ilisarnaasersuisarnerat pillugu nakkutilliinerunissaminnik maanna ilimasaaruteqarpoq.
Allattoq Hagen Højer Christensen, Gedion Storch
septembarip 21-at 2011 12:31

Ilutigitillugu niuernermi piseqqusaarisarnermi inatsisit malinneqarnersut Siunnersuisoqatigiinnit sukumiinerusumik misissorniarneqalerput. Pisiniarfiit piseqqusaarinerminni eqqunngitsunik, allamut sangutitsiniarnermik imaluunniit amigarluinnartumik paasissutissiisarnerat arlalitsigut aamma paasineqarsimavoq.

Atuisup tusagassiuutitigut nalunaarutaa naapertorlugu, inuussutissanik nalunaaqutsersuisarneq pillugu nalunaarut, nioqqutissat tuniniarneqarneranni ulloq killissarititaasoq akuttunngitsumik unioqqutinneqartarsimavoq, aamma oqaaseq "akeqanngilaq" imaluunniit allamut sangutitsilluni piseqqusaarutit, neqerooruteqarnermut atatillugu aningaasartuutit tamakkiisumik eqqaaneqartannginneri pillugit, piseqqusaarinermi kukkusumik atorneqartarsimapput.

Unioqqutitsinerit iluarsineqanngippata akiliisitaanissaq inatsisini periarfissaasoq atorlugu politiinut nalunaarutigineqarsinnaapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq