Atuarumajunnaarnissamik sioorasaaripput
Københavnimi kalaallit ilinniagaqartut 180 missaanniittut qimuttuitsunik angalanermut akikillisaaffigineqarsinnaannginnerisa kinguneranik atuarumajunnaarnissaq imaluunniit akerliussutsitsimik takutitsisinissaq periarfissanngorsinnaasut Avalak Københavnimi siulittaasup Gerth Poulsen Olsen-ip oqaatigaa.
Allattoq Louise M. Kleemann
februaarip 05-at 2008 08:28
Danmarkimi ilinniagaqartut naalagaaffimmit ilinniarnersiutisisartut, ilinniarnerminnut atatillugu DSB-mi angalanissaminnut akikillisaaffigineqarsinnaapput DSB Wildcard-imik taaneqartumik, taassuminngalu pisinerminni qaammammut 200 koruuneerlutik ilinniagartik aallussinnaallugu.
Kalaallit ilinniagaqartut qaammammut 4500-nik ilinniagaqarnersiutisisartut ilinnarnerminnut atatillugu Københavnip Roskildellu akornanni angalanermut qammammut 980 koruunit missaannik akiliisarput, tassalu wildcardimit tamanna marloriaat sinnerlugu akisunerulluni.
Gerth Poulsen Olsen isumaqarpoq Namminersornerullutik Oqartussat arlaatigut iliuuseqartariaqartut, qallunaat iliuuseqarsinnaanngippata.
