Atuartut tunumiut 6. klassineersut Islandimiit angerlangajalerput
Atuartut Reykjavikimi naluttarfimmi piffissaq annertooq atortarsimavaat sukuutsertarfimmiissimallutillu. Nalunneq ilikkarluarsimassaqaat, aamma silami naluttarfimmi Blå Lagunimiissimagamik.
Atuarfimmiit nalunaarput nallorissorsuullutik angerlalersut. Atuartut ukioqatitik islandimiut ilagalugit piffissarujussuaq atorsimavaat.
- Qulingiluassaa taama angalasoqarpoq, taamaattumik Tunumi kinguaariit affaat nallorissorujussuupput, Kuummiuni ilinniartitsisoq Bjarne Hauthorner KNR-imut allappoq.
Atuartut Geysir Gulfossilu alakkarsimavaat, soorlu aamma uumasuusivimmiissimasut, ilaasalu aatsaavissuaq puulukit nersussuillu uumasut takusimavaat, islandimiullu hestiinik hestersimallutik.
Angalanermi misigisat pikkunarnersarisimavaat Islandip præsidentianut Olafur Ragnar Grimssonimut pulaarneq takornariartinneqarnerlu. Krystalglasinik sodavanditortinneqaramik erinarsorlutik qutsavigisimavaat.
Angalaneq Islandimi namminersortut katersuiniarnerinit akilerneqartarpoq. Maannakkorpiarli Illoqqortoormiormiuaqqat Islandimi silammik saperngungallartut, Kuummiuneersoq Bjarne Hauthorner nalunaarpoq.
