Atuartut nunatsinnukarnissaminnik periarfissinneqarput

Danmarkimi meeqqat atuartut ajugaaniuteqataanertik aqqutigalugu nunatsinnut angalanissaminnik periarfissinneqarput. Ajugaaniunneq taaguuteqartinneqarpoq: ”Galathea Stafetten”. Meeqqat atuarfianni atuartut anngunnissamut peqataaniartut Galatheap qarasaasiaata suliaa nutaanerpaaq maannalu internetimi nassaarineqarsinnaasoq najoqqutaralugu nammineq suliaminnik ilisimasassarsiortuussaassapput.

Allattoq Mads Lynge

januaarip 29-at 2008 07:23

Nittartakkami tassani nassaarineqarsinnaapput Galatheap umiarsuaata ”Vædderen”-ip nunarsuaq kaajallallugu angalaneraniit paasineqartarsimasut 600.000-it sinnillit.

Paasisat nutaanerpaat silaannarmut immamullu tunngassuteqartut kisitsiserpassuillu tassani nassaarineqarsinnaapput. Taamaalillutik atuartut ilisimasassarsiornerminni nutaanik paasissutissarpassuarnik pissarsiaqartussaassapput.

Ajugaasut Kalaallit Nunaanut angalanissaminnut eqqugassinneqarput, taamaalillutik suliareriigartik nangillugu suliareqqissinnaanissaanut periarfissinneqassallutik.

Unammineq meeqqat atuarfianni atuartunut 7. klasse-niit 10. klassenut kiisalu ilinniarnertuunngornianut, ilinniartitsisunngornianut taamatuttaaq ilinniartitsisuinut periarfissiissutigineqarpoq.

Aasaru 2008-mi Nunatsinnut angalaneq pissaaq.

Atuartut nunatsinnukarnissaminnik periarfissinneqarput

Aamma atuaruk