Atuartut nerisinneqartalernissaat oqaluuserissavaat

Meeqqat kaattut ataatsimoorluni iliuuseqarfiginissaat anguniarlugu, kommuninngortuni sisamaasuni ataatsimiititaliat siulittaasui ingerlatsivinnilu pisortat katersuutsinneqarnissaat, kommunit kattuffiata KANUKOKA-p pilersaarutigaa.
Allattoq Louise M. Kleemann
januaarip 28-at 2009 06:41

Naalakkersuisut siulittaasuata Hans Enoksenip, kommuninngortuni sisamani borgmesterit KANUKOKA-llu siulersuisuisa ippassaq ataatsimeeqatigiinneranni tamanna aalajangiunneqarpoq.

Tamatuma saniatigut meeqqanut kaattunut suliniutit kaammattorniarlugit sapaatip akunnerani matumani KANUKOKA-mit naalakkersuisut ataatsimeeqatigineqassapput. Ilaatigut atuarfinni tamani atuartut nerisinneqartalernissaat oqallisigineqassalluni.

- Kommunini nutaani borgmesterit, KANUKOKA-p siulersuisuisa aamma naalakkersuisut siulittaasuata Hans Enoksenip isumaqatigiissutigaat, nunatsinni meeqqanik kaattoqaqqissanngitsoq, ippassaq ataatsimeeqatigiinnerup kingorna ataatsimoorluni oqaaseqaammi taama allapput.

Tamatumunnga peqatigitillugu naalakkersuisut siulittaasuata Hans Enoksenip kattuffinnik suliniaqatigiiffinnillu meeqqanik inuusuttunillu sullissinermut attuumassuteqartunik ataatsimeeqateqartarnini ingerlateqqinniarpaa. Ilaatigut Perorsaasut Ilinniarsimasut Peqatigiiffiat, PIP ataatsimeeqatigineqareerpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq