Atuartut eqqumiitsuliornermik misilittaapput
Eqqumiitsuliortut marluk Eva Weis Bentzon aamma Elin Kromann atuartunik eqqumiitsuliornermik sammisaqartitsinermut aaqqissuisuupput.
- Sammisaqartitsineq atuartut soraarnerisa nalaanni aallartittarpoq, atuartullu arfinilinniit 15-it tungaannut ukiullit piumasut peqataasarput, Eva Weis Bentzon oqarpoq.
Sammisaqartitsinermi eqqumiitsuliat marluk sananeqarput, taakku timesortarfiup iigaanut nivinngarneqarput. Eqqumiitsuliortup Hans Lyngep qalipagai eqqumiitsuliornermi isumassarsiorfigineqarput.
- Sammisaqartitsineq iluatsilluarpoq, atuartut suliaminnut tunniusimalluarlutik sulinerat nersualaarnanngitsuunngilaq, Eva Weis Bentzon oqaluttuarpoq.
Eqqumiitsuliornermik sammisaqatitsineq Nunafondimit, Danske Lions Grønlandsfondimit, Micropuljefondenimit aammaSermersuumi sunngifimmi sammisassaqartitsivimmit tapiiffigineqarpoq.
