Atuartut atuariartortarnerat qarasaasiakkut nakkutigineqassaaq
Qarasaasiaq atorlugu nalunaarsuisalernissaq, Nunavummi meeqqat atuarfiini ilinniartitsisut ilinniartariaqalissavaat. Aaqqissuussineq Maplewoodimik taaneqartoq, meeqqat atuariartortarnerinik nalunaarsuiffiuvoq.
- Meeqqat atuariartortarnerat pitsaanerusumik nakkutigisalersinnaavarput. Atuariartortarnerat, tassungali atatillugu ajornartorsiuteqarnerat, tamatsinnut ajornartorsiutaavoq. Angajoqqaat, atuarfiup ilinniartitaanermullu aqutsisoqarfiup akornanni ataqatigiinneq pitsaanerusariaqarpoq, Nunavummi ilinniartitaanermut naalakkersuisup tullia Kathy Orpik, Nunatsiaq Newsimut oqarpoq.
Atuartut atuarnerminni siuariartornersut, akerlianilluunniimmi pisoqarnersoq, malinnaavigineqarsinnaassaaq, ilinniartitsisullu aamma Maplewood atorlugu karakteerilersuisinnaassallutik.
Atuartullumi atuarnerminnut atatillugu paasissutissat namminneq malinnaavigisalersinnaassavaat, soorlu aamma angajoqqaat taamaaliorsinnaalissasut. Aaqqissuussinerli aallartisaqqaalaassaaq, angajoqqaallu kingusinnerusukkut malinnaasinnaalissallutik.
Meeqqat atuarfiini atuartut atuarnerannik qarasaasiatigut malinnaasinnaalernissamik Nunavummi isumassarsiaq taamaalilluta ingerlateqqipparput.