Atuartut atuarfimminni "aserortererujussuarput"
Atuarfiup nutaartaata annersaa - 500 kvadratmetrip missaaniittoq - imermik ajoqusersimavoq, akunnerup naanerani kingullermi meeqqat iserlutik ilaatigut qatserut ammarsimammassuk.
Aserorterinerup kinguneranik klassit ilaat ininut allanut nuttariaqarsimapput. Saliineq aserortikkanillu iluarsaanneq, qaammatini tullerni ulluinnarni atuarnermut sunniuteqartussaassasut kommune allappoq.
Aserukkat iluarsaannerannut 1 millon koruunit atorneqarnissaat naatsorsuutigineqarpoq.
Kommunemi sillimmasiisarfik kiisalu Sanaartornermut Avatangiisinullu Aqutsisoqarfik suleqatigiillutik, innarlikkat nalilersussavaat piffissamilu aggersumi suliaritillugit.
Politiit isumaginninnermilu oqartussaasut meeqqat aserorterisut pillugit suliaq tigusimalerpaat.