Atuarfiup qarasaasiai ilinniartut atornerluppaat

Teknikkikkut Qaffasissumik Atuarfimmi, HTX-imi, Sisimiuniittumi, ilinniartut arfinillit internetsimik unioqqutitsillutik atuisimanertik pissutigalugu Sanaartornermut Ilinniarfimmut 18.000 koruuninik akiliisitaasussanngorunarput.
apriilip 03-at 2009 17:52

Ilinniartut suliassaqarlutik qarasaasiamik angallattakkamik atuarfimminniit atorsimapput, suliassamillu saniatigut nipilersukkanik filminillu 18.000 koruunit nalinganut tigooraanissaminnut piffissaqarsimallutik.

- Ilinniartitsisut isissutissaat software iluaqutsiullugu ilinniartut pissarsiarisinnaanngorsimavaat, taamaalillutillu nipilersukkanik filminillu killeqanngitsumik tigooraasinnaasimallutik, Sanaartornermut Ilinniarfimmi pisortaq, Jokum Møller oqarpoq.

Internetsikkut attaveqaat, ATTAT, ilinniartut nalinginnaasumik atortarpaat, soorlu e-maileqarniarunik internetsimullu iserniarunik, ATTAT-mulli attaveqarunik sunut tamanut isersinnaanatik.

Ilinniartulli 18.000 koruunit tamaasa akilissaneraat Sanaartornermut Ilinniarfiup suli aalajanginngilaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq