Atuarfiup pisortaa: Aserorterinerit qatsuppavut!
Atuarfik ullut tamarluinnangajaasalu igalaajarneqartarpoq. Igalaat ilaat qisunnik matuinnartariaqarnikuupput, taarsernissaanut malinnaasinnaajunnaaratta. Igalaat iluleriit akimorneqarsimasut siulliuttarpagut, atuarfiup pisortarigallagaa erseqqissaavoq.
Taanna isumaqarpoq aserorterinerit igalaajaanerillu pinaveersaartinnissaat eqqartorneqartariaqalersut.
- Imersuaq inini qullerni maangaannaq kuutsinneqarsimavoq, ininullu allernut iikkatigut suli kuuttuarpoq. Aserukkat qanoq annertutiginersut suli nalilersorsinnaanngilagut, Johanne Olsen Ludvigsen oqarpoq.
Pisattatigut aseruisoqanngikkarluartoq illutaa qanoq annaanneqartigisinnaanersoq taamaammat suli nalunarnerarpaa.
Atuarfitoqannguup ukiuni 60-ngajanngulersuni atuuttup, illutaa ilallattaartuagaasimavoq.
- Pitsaanersaata ilaa aserorteriffiuvoq, aamma tassa taanna taamatut oqaatigisinnaajunnaarparput, Johanne Olsen Ludvigsen oqarpoq.
Johanne Olsen Ludvigsenip aamma oqaatigaa atuarfik ullumi assut aliasuffiullunilu kamassaqarfioqisoq. Atuartitsineq ingerlaannarpoq holdikkaarlunili atuartitsinerit unitsikkallarneqarlutik, atuartitsinerillu ilai katersortarfitoqqamut nuunneqarput. Atuarfik kalerrisaarutinik nutaanngitsunik peqaraluarpoq. Sisimiut illoqarfiani meeqqat atuarfiisa marluusut nutaannginnersaat 1949-imeersuuvoq.
