Atuarfinni takkutinngitsoortarnerit misissuiffigineqalerput

- Atuarfinni avatangiisit ajunnginnerulerpata ilinniartitsineq ajunnginnerulissaaq, tamatumalu kingunerissavaa atuartut atuariartunngitsoortarnerisa ilinniartitsisullu suliartunngitsoortanerisa annikinnerulernerat, IMAK-imi suliniummik isumaginnittoq Lisbeth Frederiksen oqarpoq.

Ilinniartitsisut Meeqqat Atuarfianni Kattuffiata, IMAK-ip, Kalaallit Nunaannilu Sulisitsisut Peqatigiiffiata, suleqatigiinnissammik isumaqatigiissuteqarnerminni, meeqqat atuarfiini avatangiisit aaqqiivineqarsinnaannerannik pikkorissartitsinermik aallartitsiniarput.

Isumaqatigiissut pingasunik immikkoortoqarpoq, tassalu avatangiisit pillugit suleqatigiinnissaq, ilinniartitsisut atugaasa pitsanngorsaavigineqarnissaat kiisalu atuartut suliffeqarfinni sungiusartinneqartarnerisa pitsanngorsarnissaat.