Atuarfinni atuartunut siunnersortit kommunit isumagissavaat

Kommunit namminersorsinnaassusiat atorunnaarsinneqassanngilaq. Meeqqat ajornartorsiuteqartut ajornarsiutitik pillugit, saaffigisartagassaannik atuarfinni atorfinitisisoqarnissamik siunnersuut inatsisartut ippassaq ataatsimiinneranni itigartitsissutigineqarpoq.

Sinnersuuteqartuuvoq Demokraatit inatsisartuni ilaasortaatitaat Astrid Fleischer-Rex MIPI - Meeqqat Inuusuttullu Pillugit Ilisimasaqarfiup,

Kalaallit Nunaanni inuusuttut akornanni imminornissamik eqqarsaateqartut imminoriarnerillu pillugit misissuisitsimanera innersuussutigalugu. Misissuinermi paasineqarpoq inuusuttut inersimasunik attaveqarnissaminnik pisariaqartitsinerat annertusoq.

Meeqqat toqqissisimasumik peroriartornissaannik isuma, inatsisartuni partiit oqaaseqartartuinit tapersersorneqaraluaqisoq, siunnersuut naalaakkersuisoqatigiinnit isornartoqartinneqarpoq. Siunnersuumnmut isornartorsiunerpaat ilagaat IA-p inatsisartuini ilaasortaq Asii Chemnitz Narup.

Demokraatit periusertik malillugu inuit oqartussaassiat qulaatiinnarlugit siunnersuuteqarput. Atuarfeqarfiit kommunit oqartussaaffigaat, kommunillu piumaffigisariaqarpagut suliassaq naammasseqqullugu, meeqqat ajornartorsiutitik pillugit saaffissaqalerniasammata, Asii Chemnitz Narup inatsisartuni ippassaq taamak oqarpoq, nangilluunilu ..taamaaliortoqanngippat angajoqqaat saaffigisassatut tulliupput, taakkualu taamatut piumaffigisinnaanngilagut, Asii Chemnitz Narup oqarpoq. Atuarfiit pillugit naalakkersuisup Tommy Marø-p Ilulissani Aasiannilu periuserineqartut innersuussutigai, kommuninit allanit isumassarsiarineqarsinnaammata.