Atuarfik nukappiaqqanik atuartitsissalluni naleqqussarsimanngilaq
Niviarsiaqqat atuartut anitsiartarfianni pinnguartut malittarisassanillu isumaqatigiissuteqartartut takornartaanngillat, aamma nukappiaraasuugunik taamaassinnaassagaluarput. Taakkuami ataatsimoorluni pinnguaatinut allatut iliorlutik ilanngussinnaasanngillat. Atuartummi atuakkatigut inuttullu atukkatigut piginnaasaasa naalakkersuisut angalatitaannit nutaamik misissuiffigineranni ilinniartitsisut taamatut nassuiaapput. Tamatumunnga tunngatillugu angalatitat pisortaat Jørgen Søndergaard oqarpoq:
- Misissuineq tamanna nukappiaqqat sunik arlaannik pingaartitaqartannginnerannut atuarfimmilu inissaqanngitsutut ittarnerannut ersiutitut paasivara, tassa nukappiaqqat ilaasa unammineq nuannarisarpaat, allallu klassemi nipangersimaannarnissaminnut taarsiullugu allatut iliorsinnaasarlutik. Meeqqallu atuarfianni atuartitsineq nalinginnaasoq nukappiaqqat pissusilersornerannut tulluartuunngippat, taava nukappiaqqat annaasinnaavavut, taama Jørgen Søndergaard isumaqarpoq.
- Meeqqat atuarfianni taakkua annaagutsigik, taava nalussanngilarput kingornagut inuusuttutut ilinniarsinnaanngimmata, taavalu taakkua ilaat ajornartorsiuteqalernissartik toraarsinnaallugu, tamakkeratik, kisiannili taakkua ilaasa inuiaqatigiinni ingerlaniarnissartik ajornartorsiutigilersinnaavaat, Jørgen Søndergaard naggasiivoq.
Danmarkimi meeqqat atuarfiat Kalaallit Nunaannilu meeqqat atuarfiat arlalippassuartigut assigiimmata, misissuinermi inernerit aamma maani atorneqarsinnaassapput.
