Atuarfik Mathias Storch aqagu matussaaq
Qaasuitsup Kommuniata nalunaarutigaa, Mathias Storchimi meeqqat atuartut, aasami atuanngiffeqarnerup kingorna, ilinniartinneqartarneri illoqarfimmi sumiiffinnut arlalinnut nuunneqassasut.
Angajoqqaat akerliussutsimik takutitsinerminni piumasaraat, atuarfiup meeqqanut ulorianarnera qanoq iliuuseqarfigineqanngippat meeqqatik atuarunnaartinniarlugit, tamatumalu kingunerisaanik atuarfiup matuneqarnissaa taamaatullu meeqqat atuanngiffeqarnissaat aqagumiit aallartissasoq, Qaasuitsup Kommunia aalajangerpoq. Taama pilersaarteqartorneranik atuarfimmi ilinniartitsisut aturfiullu siulersuisuuneri ippassaq nalunaarfiogineqarput.
Qaasuitsup Kommuniata ilanngullugu nalunaarutigaa, atuarfissaq nutaaq maanna atuarfiup toqqaviani sananeqassasoq.
Atuanngiffeqarnerup kingorna, ukioq atuarfiusoq nutaaq aallartippat, meeqqata atuartinneqartalissapput illoqarfimmi sumiiffinni ukunani:
Atuartut nukarliit klassit tallimat, Atuarfik Jørgen Brønlundimi atualissapput. Atuarfimmi tassani meeqqat amerlavallaalernissaat pissutigalugu, atuartut avillugit ullaatungaani ualikkullu atuartinneqartalissapput.
6. klassini aamma 7. klassini atuartut sunngimmi ornittakkami, Tikiusaami atuartalissapput.
8. aamma 9. klassit Kulturikkut illorsuarmi Sermermiuni atuartalissapput.
10 klassit inini attartukkani atuartinneqartalissallutik.
Faginut assigiinngitsunut atuartitsisarnissat, Atuarfik Jørgen Brønlundimi ilinniartitsisut peqatigalugit pilersaarusiorluarneqassapput. Tikiusaami atuareernerup kingorna meeqqat paarineqartarneri, Atuarfik Jørgen Brønlundip nerisarfianut aula-millu nuunneqassaaq.