Atuaqatigiit pujortartanngitsut akissarsitinneqarput
Tasiilami 5. x-imi atuartut arlaannaataluunniit pujortartannginnera, Paarisap tunngavilersuutigaa.
- Atuartut pujortartuunngillat, pujortartartuunerullu kingunerisartagai misissorsimavaat illoqarfimmilu pujortarunnaarsitsinissamik ikiuunniarlutik iliuuseqarsimapput. Atuaqatigiit ersarissumik nalunaarusiorsimapput pilersaarusiorluarnermikkullu atuarfik, suliffeqarfiit innuttaasut, angajoqqaat qatanngutillu ilanngussuussimavaat. Paarisa taama tunngavilersuivoq.
Atuaqatigiit ajugaanerminni 30.000 koruuninnapput.
Atuartut tamarmik 5. Klassimiit 7. Klassimut pujortartuunngitsutut unammisitsinermi peqataasinnaapput, ukiorli manna atuaqatigiiaat arfinillit taamaallaat peqataasimapput.
Paarisa upernaaru 2010-mi ”Atuaqatigiit Pujortanngitsut” pillugit meeqqat atuarfinni atuartunut akullernut unammisitseqqissaaq.