Atuakkap assitarissaartup Issittoq nersorpaa
Avatangiisinik mingutsitsinerit, sermersuaq aakkiartortoq aamma paamit mingutsitsinermit sermersuarmi takussutissat. Issittoq pillugu nutaarsiassat silap pissusaata allanngoriartornerani ajornartorsiutinut tunngaleraluttuinnarput.
- Taamaattorli nunarsuup avannaani ullulernerup akisunnerata aappillertarnera suli takussaasarpoq, inuilaarsuarmut innarlerneqanngitsumut takussutissatut. Taama allapput Magnus Elander aamma Staffan Widstrand atuakkamut assinik kusanartorsuarnik imalimmut aallaqqaasiussaminni. Atuakkami sammineqarput nannut silap pissusaata allanngoriartorneranut naleqqussarnerannut paasisat kingulliit, nunarsuup kiatsikkiartornerata avannarpasissumi masarsussuarnut qeriuartunut piniartuunermilu ajornartorsiutinut sunniutai –issittumi pinngortitameersunik, uumasunik inunnillu kusanarluinnartunik assitallit. Aamma paasisaqarfiusinnaallutik paarnat C-vitaminik qanoq akoqartiginerat, umimmaat meqquisa kissassusaat kiisalu aarrit umiisa sananeqaataannik paasissutissat.
