Atuakkamik tunissutisilerput

Folketingimut ilaasortat aasaanerani sulinngiffeqareerlutik marlunngorpat sulileqqikkunik tuakkamik tamarmik pissapput, atuagaq ateqarpoq ”Sorsunnermi toqutaasoq” – ”Dræbt i krig”.

Irakimi sorsuttoqarnerani Danmarkip peqataanera isornartorsiorlugu atuakkami allaaserineqarpoq, atuakkiortoq tassaalluni Johan Kirkmand.

Johan Kirkmandip erni 20-nik ukiulik, Bjarke, Irakimi illoqarfiup Basrap avannaatungaani sakkutuujusoq ukiup ataatsip matuma siorna annaavaa, Bjarke aqquserngup sinaani qaartartoq qaarmat toqutaavoq.

- Inuiaat pisinnaatitaanerput eqqarsaatigalugu Irakiminnissatsinnut najoqqutassanik amigaateqarpugut, Danmarkillu sakkutuuliussaasa angerlartinnissaat politikeritta eqqarsaatigisariaqarpaat, atuakkiortoq, Johan Kirkmand, oqarpoq. Danskit sakkutuuisa timmisartuaneersoq, Kim Wadim, Irakip kujasissuani aqqusinermi qaartartumit sapaatip akunnerata ataatsip matuma siorna aamma toqutaavoq, timmisartornermillu ilisimasaqarluartoq taanna, 36-nik ukiulik, danskit Irakimi sakkutuuliussaasa tqoutaasut sisamassaraat.

Danskit toqutaasut tallimaat aqqusinikkut angallannermi ajutoornikkut toqutaavoq.

Atuakkami ”Dræbt i krig”-imi sakkutooq Bjarke Kirkmand Olsen allaaserineqarpoq, taallianilli aamma ilaqarpoq, Halfdan Rasmussenip Niels Hausgaardillu taalliaat imartoqisut ilanngunneqarsimallutik. Sakkutuut Qullersaqarfiata toqutaasut pillugit nalunaarusiaa aamma ilaavoq.