Atuagkat piginnittortaarpoq

Oqaluttuarisaanermut attuumassutillit ilaat Nuummi ullumi naammassivoq, Atuagkani inuulluaqqusilluni tikilluaqqusillunilu ilassinnittoqarmat.

Atuagkani ukiuni kingullerni 20-ini piginnittuusimasut, Inger Hauge aamma Sten Amandus, piginnittussanut nutaanut ullumi tunniussipput.

Inger Hauge-p suliffeqarfiutiminnik allamut tunniussinertik aappaatigut oqiliallaatiginerarpaa, ukiut taama amerlatigisut namminneq ingerlatsereerlutik tussunngunissani merserisimagaluaramiuk. Aamma qularutiginnginnerarpaa Atuagkanik piginnittunngortut namminnerminnisulli anersaaqarfigitigalugu ingerlatsinissaat. Inger Hauge oqarpoq, kalaallisut atuarneq soqutigineqarluartoq, eqqaasaataanulli ilaavoq, Kalaallit Nunaannut nunassittartut tamavissuarmik kalaallisut atuarsinnaaneq ajormata, taamaakkaluartorli kalaallisut atuakkat amerlasoorpassuit tunineqartarnerarpai.

Inger Hauge qanormita takorluugaqarpa, oqarporlu:

-Neriuutigaara nammineq nalitsinni oqaluttuarisaanermut tunngasumik atuakkamik saqqummersoqarumaartoq, inuusuttup ullutsinneersup Kalaallit Nunaat qanoq misigisarpaa? Tamanna paasisaqarfigissallugu assorsuaq pisariaqarpoq, soorunalumi kalaallisut taanna atuakkiaassaaq, Inger Hauge oqarpoq.

Inger Hauge naggataatigut oqarpoq, taalliaanerusunik Atuagkanut tunniussisoqartartoq, neriuutigali ilanngutassiaq una tusaaneqaruni ima oqartoqassasoq.

”Arraa uangaana taamaattumik atuakkiortariqartunga”.

Atuagkat piginnittorilerpaat Dorthe aamma Claus Jordening, pisiniarfillu allannguuteqassanngilaq.