Atuagkat Bog & Ide atuakkiortunik pulaartoqartoq
Atuakkanik kalaallisoortunik marlunnik 2013-imi atuakkiorlutit saqqummersitsisimasut, Cecilia-Karla Olsen aamma Naja Rosing-Asvid, sisamanngorpat Nuuk Centerimi Atuagkat Bog & Idemut pulaassapput.
Allattoq Peter Troelsen, Simon Uldum
Cecilia-Karla Olsenip eqqaamasalikkersaarutaa Avalannermik ateqarpoq, taannalu upernaaq saqqummersinneqarluni. Atuakkami sammineqarpoq Celina Danmarkimut atuariartortitaasoq, tassanilu misigisartakkani tarnikkut ikiligaassutigisimavai.
Naja Rosing-Asvidip meeqqanut atuakkiaa Ivalo & Minik qanittukkut saqqummerpoq. Meeqqat atuagaq atorlugu nuannisarlutik oqaatsinik kisitsisinillu ilinniarsinnaapput. Atuagaq kalaallisut danskisullu oqaasertaqarpoq, taamaattumillu meeqqat oqaatsinik ilinniagaqarfigisinnaassallugu.
Atuagkat Bog & Idemi aaqqissuussineq sisamanngornermi oktobarip pingajuani nal. 16-17 ingerlanneqassaaq