Atuagassiaq SUM Kalaallit Nunaat pillugu immikkut sammisaqarpoq

Tone Olaf Nielsen, Danmarkip nunasiaateqarneranik immikkut sammisaqartoq, nassuerpoq namminneq danskisut peroriartornerminni suliniuteqarsimallutik, pisunulli akisussaajumasimanatik.

- Danskiusugut puigorniaannartarparput suunngitsuusoriinnaartarlugulu.

Nunasiaatitsinnut marlunnut, Savalimmiunut Kalaallit Nunaannullu ajornartorsiutit nassiutiinnartarpavullusooq.

Ukiorpassuit ingerlanerini danskit naalagaanerminnut ilisarnaaterpassuit puigorallagassaanngitsut nunani taakkunani namminneq suli naalagaanerminnut takussutissatut qimassimavaat; aningaasallu ukiumut tapiissutaasartut ikiaroornartutut imigassatullu pinngitsoorneqarsinnaajunnaarsillugit tunniuttarlugit.

Naalagaaffiup Danmarkeeqqap nunasiaatini iperarniartuuppagit eqqortuliornertut taassagaluarpara.

Taamaasillutik suli nunasiaataasut piffissaq sivisunerusoq eqqarsaatigalugu namminneq aningaasarsiornitik aqussinnaalissagaluaramikkik.

Taamaattoqanngilarli.

- Qaquguluunniit namminersortunngorsinnaavusi, tapiiffigineqaqqinnissarsili ilimageqqissanngilarsi, Tone Olaf Nielsen, danskeqatiminik illaruaatiginnillunilusooq naggasiivoq.