Atuagaq tjekkiamiutut saqqummissaaq
Atuagaq Qaqortumi katersuugaasivmmi pisortap Ole G. Jensenip atukkiaa, 2007-imi siullermeerluni saqqummerpoq, nuannarineqarluarmallu niuertarfinni tuniniarneqarnerani tunisaalluarpoq.
Taamattumik Atuagaq taanna pingajussaanik naqiterlugu tuniniarneqartussanngorpoq. Tamatumuuna oqaatsit assigiinngitsut arfinillit atorlugit naqiterneqarluni. tassalu kalaallisut, danskisut, tulutttut, tyskisut franskisut nutaarliunnartullu tjekkiamiutut naqitinneqarluni.
Tjekkiamiut oqaasii atorlugit saqqummersinneqarnissaanut Tjekkiamiut Danmarkimi aallartitaat Zdenek Lycka atuakkamik nutserisuuvoq.
Tjekkiamiut oqaasii atorlugit saqqummersinneqarnissaa pissaaq Tjekkiap illoqarfiissa pingaarnersaanni Pragimi septemberip ulluisa arfernganni.
Atuagaq Pragimi saqqummersinneqarpat, inatsisartut siulittaasuat Josef Motzfeldt najuutissaaq.
Atuakkamik saqqummersitsineq ilutigalugu Tasiilami assilisanik saqqummersitsineq ammarnersiorneqassaaq, taaguuteqartoq '3913 Tasiilaq - illoqarfimmi Tasiilami assilisat', Ole G. Jensenip assilisai.
