Atuagagdliutit aaqqissuisuunertaassaaq

Aviisi Atuagagdliutit nutaamik aaqqissuisuunertaarpoq. Inga Dora Gudmundsdóttir Markussen atorfimmut ungasinngitsukkut ivertinneqartussatut toqqarneqartoq, aviisip aaqqissuisuunerisimasaa Stina Skifte tusagassiorfinnut nalunaarummini allappoq.

Inga Dora Gudmundsdóttir Markussen, Nukissiorfiit tusagassiisartuinut ningiuuvoq atuagassiarlu ”Arnanut” pilersitseqataaffigalugu.

- Siulersuisut sivisuumik aalajangerniareerlutik pitsaasumik aalajanger¬simap¬put. Inga Dórap tunuliaquttani atorlugu aviisinik suliaqartarnermi unamminartut annertuut or¬ninneqartut isumagisinnaavai, AG-mi siulersuisuni siulittaasoq Ole Kiel¬mann Hansen tunngavilersuivoq.

Aaqqissuisuuninngortussap aviisimi suleqataasut ilusilersueqataanissaat neriorsuutigaa.

- Aalajangerneq nuannaarutigisorujussuuara, sulilernissaralu qilanaareqalugu. Nunar¬suar¬mi aviisit pisoqaanersaasa ilaanni aaqqissuisuuninngorneq akisussaaffiuvoq annertooru¬jussuaq – taamatullu akisussaaneq soorunami nersorneqaatitut isumaqarfigaara, Inga Dóra G. Markussen oqarpoq.

Taanna 2008-mi juunip aallaqqaataaniit atorfittaamini sulilissaaq.

Atuagalliutini aaqqissuisuuneq, Stina Skifte siusinnerusukkut napparsimalluni sulinngiffeqareerluni tunuarpoq aviisimilu aaqqissuisutut ingerlaqqissalluni.