Attumeersup tigummigallarneqarnera sivitsorneqarpoq
Attumi angutip inuusuttup 25-nik ukiullip tigummigallarneqarnera sapaatit akunnerinik sisamanik ualeq sivitsorneqarpoq. Taama nalunaarpoq Aasianni politiit ittuat, Gert Jakobsen.
Angut angummik allamik nunaqqamminik 20-nik ukiulimmik toqutsisimasutut unnerluutigineqarpoq. Aviisi Atuagagdliutit siusinnerusukkut allappoq, angutit taakku nukariittut, politiilli tamanna suli oqaaseqarfigerusunngilaat.
Angut tigummineqarallartoq sianissutsimigut misissorneqassanersoq politiit sapaatit akunnerisa sisamat ingerlaneranni aalajangiiffigissavaat.
Angut inuusuttoq 20-nik ukiulik oktobarip 31-ni unnuakkut, tassa novembari aallartittorlu toquvoq, 25-nillu ukiulik kinguninngua tigusarineqarpoq Aasiannukaanneqarlunilu.
Angut killisiorneqarami 20-nik ukiulimmik toqutsisuunnginnerarpoq.
