Attaveqaatit atorluarneqarnissaat oqallisigineqarpoq
- Nunarput isorartuvoq inukilluni, inuit najugaqarfii siammasissorujussuupput, taamaammat meeqqanut inuusuttunut aamma inersimasunut atuartitsineq ilaannikkut ajornakkusoortarluni, ataatsimeersuarnermi ataqatigiissaarsisoq Aviaja Lyberth Lennert taama oqarpoq.
Atuarfinni pisortat, ilinniartitsisut, kommunini sulisut, Namminersorlutik Oqartussat suliffeqarfiineersullu 140-t missaanniittut ataatsimeersuarnermi peqataassapput.
Apeqqutit ingerlariaqqinnissamut tunngasut assigiinnigtsut oqaluuserineqassapput aamma periarfissanik atorluaanissaq oqaluuserineqassalluni, Aviaja Lyberth Lennert oqarpoq.
Ataatsimeersuarneq naammassippat påeqataasut ataatsimoorlutik naalakkersuisunut siunnersuusiussapput.
Ataatsimeersuarneq apriilip qaammataani siullermik ingerlanneqartussaagaluarpoq, Islandimilu innermik anitsisartup innermik anitsinerata kingorna silaannakkut angallassineq unittoormat ataatsimeersuarnissaq septembarimut kinguartinneqarpoq.
Ataatsimeersuarneq Sarfarissoq II Nuummi illorsuarmi Katuami ulluni pingasuni ingerlanneqassaaq.
