ATTAT-mut aningaasartuutit pikkorissartitsinernut eqquipput
Ilinniartunut ilinniartitsisunullu attaveqaammut Attammut akiligassaq sinneruttoq ukioq manna Inerisaaviup pilersaarutiminik maangaannartitsilluni akilertariaqalerpaa, Inerisaaviup pisortaa Jens Jakobsen ima oqarpoq
Ukioq manna pisussani ingerlanneqanngitsoortussat tassaapput atuarfiit siulersuisuinik pikkorissaaneq, nunaqarfinni atuarfiit siulersuisuinik pikkorissaaneq, Atuarfiillu pisortaasa ataatsimiitsinneqarnissaannik kinguartitsineq, Inerisaaviup pisortaa Jens Jakobsen taama oqarpoq, Ilanngullugu ilisimatitsissutigaa Ilinniartitaanermut Naalakkersuisoqarfik, KIIIN aningaasanik qinnuteqarfigisimallugu itigartitaasimallutilli.
Ukioq manna ungasianit atuartitsisalernissaq pillugu isumasioqatigiinnissaagaluaq inerisaaviup ATTAT-mut aningaasartuuteqartariaqalernera pissutaalluni pinngitsoortinneqarpoq.