Attat-ip matuneqarnissaa ataatsimiititaliap akuersaarusunngilaa
Ilinniartitsisut Kattuffiata, Imak-ip, ernumalluni ippassaq oqarnera Ataatsimiititaliap isumaqatigaa, Naalakkersuisullu maanna saaffigai, Attatip ingerlaannarnissaa qanoq qulakkeersinnaaneraat.
Inuiaqatigiinni atuarfimmi ineriartortitsinermut suliassat pingaarutillit Ilisimatusarfiup Inerisaaviullu akornanni ataatsimuulernerup kingorna inuiaqatigiinni pingaarutilinnik atuarfiit ineriartortinneqarnerannut suliassat akornuteqanngitsumik ingerlaqqinnissaat Naalakkersuisut qanoq iliorlutik qulakkeersinnaaneraat Ataatsimiititaliap Naalakkersuisunut apeqquteqaatigaa. Akissullu unaavoq, siunertamut taassumunnga aningaasat pisariaqartinneqartut aningaasaqarnermut inatsisikkut qulakkeerniarneqassasut. Tamannali pinngilaq. Internetikkut aqqutip matunissaa Ilisimatusarfimmi siulersuisut piumasaraat, Ilisimatusarfiup aningaasaqarnera akornuserneqaqqunagu.
Naalakkersuisunut ilaasortaq, Tommy Marø, ippassaq unnukkut Radioavisimut oqarpoq, Attat pillugu pitsaanerusumik isumaqatigiissuteqarnissaq anguniarlugu Tele Greenland attaveqarfigineqassasoq.
