Atortut eqqarasuartaatinngortitsisinnaasut Trumpip inerteqqutiginiarai
Atortummi taama ittut atorlugit aallaasit minutsimut hunnorujunik arlalissuarnik eqqarsinnaasunngortinneqarsinnaapput.
Taamaammat præsident Trumpip inatsisinik atuutitsinermut ministeri peqquaa inerteqquteqarnissaq sulissutigeqqullugu.
- Atortut suulluunniit aallaasinik inatsisinik unioqqutitsinngitsunik eqqarasuartaatinngortitsisinnaasut inerteqqutigineqassapput, Trump ippassaq taama oqarpoq.
Angutip 64-inik ukiullip Las Vegasimi siorna oktobarip qaammataani silami tusarnaartitsisoqarnerani inunnik toqoraanermini aallaasit taama ittut atorpai.
Inuit 58-it taamani toquppai.
Atortut 600 koruunit missaannik akeqartarput pisiarissagaannilu ullumikkut immikkut akuersissuteqartariaqanngilaq aammalu tuniniagaanerat nakkutigineqarani.
Floridami sapaatit akunnerata siuliani atuarfimmi aallaasersortoq atortunik taama ittunik atuinngilaq.
