Atornerluinermi nutaanik paasisaqarput
- Misissuinitta qaammatip naanerani naammassinissaa naatsorsuutigaarput, Niels Erik Nymark Jensen, Avannaani politiit pisortaat KNR-imut oqarpoq.
Qaasuitsup kommuniani atorfikkaajusimasoq aningaasanik atornerluisimasutut pasineqarluni siorna novemberimi tigusarineqarpoq, tigusarineqarneranut atatillugu najugarisaa uppernarsaatissanik ujaasiffigineqarluni.
- Tillinneqarsimasut amerlanersaat Ilulissani adresseni arlalinni misissuinerni nassaarineqarsimasut, Avannaani politiit taamani nassuiaapput.
Suliamut atatillugu unnerluutiginnittoqassanersoq inatsisilerinermik suliaqartut sapaatip akunnerata siuliani misissorpaat.
- Politiit suliamut atatillugu paasissutissat allat maanna misisissorpaat, Niels Erik Nymark Jensen Avannaani politiit pisortaat oqarpoq.
