Atoqatigiinnginnermi akuersissuteqarnissamut inatsit nunatsinni aamma atuutilissaaq
![](/sites/default/files/styles/image_934x467/public/2023-04/20230308-201847-7-1920x1280we.jpg?itok=7yQlUaq_)
Atoqatigiinnginnermi atoqatiginiakkap erseqqissumik akuerseqqaarsimanissaanut imaluunniit atoqatiginiakkap atoqatigiinnissamut akuersilluni takutitsisimanissaanut inatsimmik allannguineq Folketingimi ippassaq akuersissutigineqarpoq.
Taanna aamma akuersissuteqarsimanissamut inatsimmik taaneqartarpoq.
Atoqatigiinniartut tamarmik atoqatigiinnissamut akuersisimanngippata pisoq pinngitsaaliisimanertut taaneqarsinnaassaaq.
Siunissamilu pinngitsaaliisimasutut unnerluutigineqartup atoqateqannginnermini atoqatigisaminit atoqatigiinnissamut akuerseqqaarsimaneranik uppernaasaateqassaaq.
Taanna inatsit Danmarkimi januaarip aallaqqaataani 2021-mi atuutilerpoq, atoqateqannginnermilu akuersissuteqarsimanissamut inatsisip nunatsinni atuutilernissaa Inatsisartut ukiarmi aalajangerpaat.
Inatsimmilli allannguineq nunatsinni pinerluttulerinermi inatsimmik sulilu Danmarkimit akisussaaffigineqartumik allannguinerummat Folketingimi akuerineqaqqaartariaqarpoq.
Folketingimulli novembarimi qinersineq pissutigalugu Københavinimi inatsimmik suliarinninneq kinguarpoq. Tamannalu ippassaq kiisami akuersissutigineqarpoq.
Atoqateqannginnermi akuersissuteqarsimanissamut inatsit nunatsinni juulip aallaqqaataani atuutilissaaq.