Atomimik nukiliorfiit tallimat matuaat
Atomip nukinganik nunarsuarmi atuinerpaanut ilanngunniarnini Korea Avannarliup taamaatiinnarpaa. Atomimik nukiliorfiit tallimat Korea Avannarlermi matuneqarsimasut, Atomimik nukissiorneq pillugu nunat tamalaat nakkutilliisuutitaat, naatsunngorlugu IAEA-mik taaneqartartut, nalunaarutigaat.
- Atomimik nukiliorfiit tallimat matuneqarsimasut uppernarsarneqarsimavoq, isumannaatsumillu tamanna pisimasoq aamma nalunaarutigineqarpoq, IAEA-p siuttua Mohammed El-Baradei oqarpoq.
Kinap illoqarfiisa pingaarnersaanni Beijingimi Korea Avannarleq pillugu nunat arfinillit akornanni ataatsimiittoqalersorlu El-Baradei Malaysiami tusagassiortunik katersortitsivoq.
Atomimik nukiliorfiit isumannaatsumik matuneqarnerat alloriarneq siulliusoq erseqqissaatigineqarpoq, tassami iliuusissat aatsaat aallartinneqarmata, sivisuumillu ingerlanneqartussaallutik.