Atlantikup avannaani timmissat ulorianartorsiorput

Taammaattumik Danmarkip nunallu allat 14-it Ospar-Kommisionimut, atlantikup avannaata imartaani malittarisassiornermik suliaqartartartunut ilaasortaasut, timmissat assigiinngitsut arfineq-marluk illersorniarlugit inassuteqaatinik arlaqartunik akuersissutiginnipput.

Pineqartut tassaapput Naajavaarsuk, Naajarlutsiaq, lille skråbe, balear-skråbe, taateraaq, imeqqutaalaq kiisalu appa. Taakku kujataani qeqertanit Azoriniit avannamut qaasuitsup killeqarfia tikillugu uumasuupput.

Timmissat ajornartorsiutinik imaannaanngitsunik nalaanneqarsimasut, Kate Sugar-mit timmissat pillugit suliniaqatigiiffimmi Birdlife internationale-meersumit, Ospar-Kommissionimi alaatsinaattutut inissisimasumi, immat pillugit siunnersortaasoq oqarpoq.

- Timmissat imarmiut sumiiffippassuarni immap atorneqarnerani inuit atuinerannit unammillerneqarput. Taakku aalisarnermut atortunit pisarineqartartput imaluunnit mingutsinneqartarlutik. Timmissat ilaasa erniorfii uumasunit allanit soorlu qitsunnit imaluunnit terissanit ulorianartorsiortitaasartut, Kate Sugar Ritzau-imut oqarpoq.

Ospar-miit inassuteqaatit uumasoqatigiiaanniit uumasoqatigiiaannut assigiinngisitaarput. Naalakkersuisut kaammattorneqarput timmissat piaqqiornerisa nalaanni imaani timmissanik illersuisuiniarneq pillugu, timmissat piaqqiornerisa nalaani akornusersuutaasinnaasunik piaanissamut inatsiseqariinngippata inatsisilioqqullugit.

Timmissallu sumiifiini ataasiakkanni aalisarnerup killersorneqarsinnaanera pisariaqalersinnaavoq.