Atlantikup avannaani suliniutinut NORA aningaasaliivoq
Atlantikup avannaanni suliffinnik aallarnisaaniartut attaveqaqatigiinnerisa ineriartortinneqarnissaannut, umiarsuarnit eqqagassat mingutitsinngitsumik iginneqartarnissaannut nunanilu avannarlerni mittarfiit mikinerusut atortorissaarutitigut isumannaatsumik ineriartortinneqarnissaannut aningaasaliisoqarsimasoq, pingaarnertut naatsumik oqaatigineqarpoq.
Aningaasat danskit koruunii 3 millionit Kalaallit Nunaanni, Islandimi Savalimmiuni Norgellu sineriaani suliniutinut tapiissutitut.agguaanneqarput.
Mittarfiit mikinerusut atortutigut isumannaallisarneqarneqarnissaannut 115.000 koruunit umiarsuarnilu eqqagassat qarasaasiatigut allattorneqartarnerisa ineriartortinnissaannut aamma 115.000 koruuninik NORA-mit aningaasaliissutaapput.
Suliniutinut 13-inut inuit 59-it suleqataapput, Islandimi 17-it, Norgemi 15-it Savalimmiuni qulingiluat Kalaallit Nunaannilu arfineq-marluk.