Atlantikup avannaani sakkutuut umiarsuaannik nakkutilliineq USA-p aallarteqqileraa

Sakkutuullu umiarsuaata aappaa Amerikami illersornissaqarfiup ilaanilissasoq, Reuters allaaserisaqarpoq.

Umiarsuup aappaa Atlantikup avannaatungaani akisussaaffeqarluni suliaqartassaaq.

Ruslandimut ernumassuteqarneq pissutigalugu umiarsuup aappeqqinneqarnissaa, Illersornissamut ministereqarfiup atulersippaa, Reuters taama allaaserisaqarpoq.

- Nuna tamakkerlugu illersornissaq pillugu iliuusissatsinni erseqqissumik oqaatigineqarpoq nunat pissaanilissuit anneruniuarnerat uterfigeqqikkipput. Sillimaniarneq unammillernarneruleriartuinnarlunilu pisariuninngoraluttuinnarpoq, admirali, John Richardson, amerikamiut sakkutuuisa imarsiortut suliniuteqartarnerinut pisortaasoq nalunaaruteqarluni taama oqarpoq.

- Sakkutuut imarsiortut umiarsuaata aappaa umiarsuit, timmisartut sakkutuullu nunniguttakkat suliaat pillugut aqutsinikkullu kangimut sinerissami Atlantikullu avannarpasinnerusuani suliaqassasoq aamma oqaatigaa.

Sakkutuut umiarsuaat sorliit tamatumunnga atorneqassanersut suli nalunarallarpoq.