Atlantikup Avannaamiut Odense-mi illutaassapput

Odensemi kalaallit illuat nalunngilarput ingerlalluartoq, assigiinngitsunilli aaqqissuiuaratta paasisimavarput mikivallaalersoq. Taamaammat Odensep kommunia illup toqqavissaanik pisisimavoq, iserterutta immamut isikkiveqartussanngorluta, Odense-llu kommunia 20089-miit aamma ingerlatsinermut tapiissuteqartalissamaarpoq, taamaalilluta kalaallit illuat nuussinnaalissavarput. islandimiut savalimmiormiullu saaffigisimavugut pilersaarutinut soqutiginninnersut, tusagassiisarnikkut kulturikkullu suleqataarusussinnaanersut paasiniarlugu. Kalaallit Nunaannut, Islandimut Savalimmiunullu angalalluta pilersaarutivut saqqummiuttarsimavagut, tamarmillu maanna siulittaasoqarfimmut ilaasortaatitaqalerput. Direktør Kaj Kleist Kalaallit Nunaanniit ilaasortanngorpoq, Odensemiittussaagattalu qujamasuutigeqaarput Odensemiit siulittaasuummat borgmesteri Jan Boye. Københavnimi Nordatlantisk Bryggemiit allaassutigissavaa ilinniagaqartunut inissaqartitsissagatta, taamaalilluni ullormut nalunaaquttap akunneri 24-t inoqalaartuassagami. Islandimiut savalimmiormiut kalaallillu peqatigiiffiinit atorneqarluarnissaa qularnangilaq, susassaqartitsiuassaagut uummaariffiussaqisumik, nipilersornernik, eqqumiitsuliornernik allatigullu kulturimut atasunik aaqqissuisoqartassaaq. Pisiniarfeqassaagut kalaallit, islandimiut savalimmiormiullu tunisassiaannik nerisassaataannillu tuniniaaffissamik. Neriniartarfeqassaagut Københavnimisuut akisutiginngitsumik nunalli pingasut taakku nerisassaataannik sassaalliiffiusartussamik. Tamarmillu piareernissaat qilanaareqaarput, Kirsten Mærsk oqarpoq.

Odensemi kalaallit illuat 800 kvm-iuvoq, Atlantikulli Avannaamiut illussaat, 2009-mi naammassissangatinneqartoq, 4000 kvm-iussalluni.